वसमत येथे ‘छत्रपती शिवाजी महाराज महाराजस्व समाधान शिबिर’ उत्साहात संपन्न

वसमत येथे ‘छत्रपती शिवाजी महाराज महाराजस्व समाधान शिबिर’ उत्साहात संपन्न

वसमत CT NEWS

शासनाच्या विविध योजनांचा लाभ थेट जनतेच्या दारात पोहोचवण्यासाठी आज दिनांक १५ मे २०२६ रोजी वसमत तहसील कार्यालय येथे ‘छत्रपती शिवाजी महाराज महाराजस्व समाधान शिबिर’ अत्यंत उत्साहात पार पडले. या शिबिराच्या माध्यमातून शेकडो नागरिकांच्या शासकीय कामांचा निपटारा करून त्यांना प्रमाणपत्रांचे वाटप करण्यात आले.
प्रशासकीय अधिकाऱ्यांची प्रमुख उपस्थिती
सदर शिबिर मा. उपविभागीय अधिकारी (वसमत) श्री. विकास माने साहेब यांच्या अध्यक्षतेखाली आणि तहसीलदार श्री. विनोद डोणगावकर साहेब यांच्या प्रमुख उपस्थितीत पार पडले. यावेळी प्रशासनातील विविध विभागांचे प्रमुख अधिकारी व कर्मचारी मोठ्या संख्येने उपस्थित होते.
एकाच छताखाली विविध सेवांचा लाभ
वसमत मंडळातील नागरिकांसाठी आयोजित या शिबिरात खालील महत्त्वाच्या सेवा प्रत्यक्ष पुरवण्यात आल्या:
नवीन शिधापत्रिका (Ration Card) वाटप, उत्पन्न दाखले, जातीचे प्रमाणपत्र आणि ई-प्रमाणपत्रांचे वितरण.
जिवंत ७/१२ फेरफार नोंदींचे उतारे आणि शिवरस्त्यांच्या नोंदींबाबतचे कामकाज.
संजय गांधी निराधार योजना, श्रावण बाळ योजना आणि इंदिरा गांधी राष्ट्रीय वृद्धापकाळ योजनेच्या पात्र लाभार्थ्यांना मंजुरी पत्रांचे वाटप.
आरोग्य विभाग, कृषी विभाग आणि पुरवठा विभागामार्फत शासनाच्या विविध कल्याणकारी योजनांचे मार्गदर्शन व लाभ देण्यात आले
याप्रसंगी बोलताना उपविभागीय अधिकारी विकास माने व तहसीलदार विनोद डोणगावकर यांनी उपस्थित नागरिकांना शासनाच्या विविध योजनांची माहिती दिली. “सामान्य नागरिकांना कार्यालयाचे उंबरठे झिजवावे लागू नयेत, हाच या समाधान शिबिराचा मुख्य उद्देश आहे,” असे प्रतिपादन मान्यवरांनी केले.
या शिबिराच्या यशस्वीतेसाठी नायब तहसीलदार श्री. विनोद डोणगावकर साहेब, पुरवठा निरीक्षक श्री. हांडे साहेब, दुय्यम निबंधक श्री. विलास वळसंगकर साहेब, डॉ. सनाअल्ला खान साहेब, पशुसंवर्धन आयुक्त डॉ. मूसतरे साहेब यांनी परिश्रम घेतले.
तसेच मंडळ अधिकारी श्री. राजू क्षीरसागर, ग्राम महसूल अधिकारी श्री. संजय धाडवे, श्री. रामेश्वर गिरी, श्री. सुधीर इंगळे, श्रीमती मयुरी चोथमल, श्री. वैभव जायभाये, श्री. गजानन नागोरे, श्री. प्रवीण पांडे, श्री. औंधेकर, श्रीमती काळे, श्री. राहुल रेंगुंटवार, श्री. गिरीश आसेगावकर, श्री. अमोल कदम, श्री. कांबळे, श्री. चव्हाण, स्थानिक नगरसेवक आणि वसमत मंडळातील ग्रामस्थ मोठ्या संख्येने उपस्थित होते. छाया नागेश चव्हाण, वसमत.