वसमंत परिसरातील सेलु गावात पांदण रस्त्याचा प्रश्न गंभीर शेतकऱ्यांचा अन्नत्याग उपोषण व आत्मदहनाचा इशारा!

वसमंत परिसरातील सेलु गावात पांदण रस्त्याचा प्रश्न गंभीर शेतकऱ्यांचा अन्नत्याग उपोषण व आत्मदहनाचा इशारा!

वसमत CT NEWS संपादक :हरनामसिंग चव्हाण

वसमत तालुक्यातील सेलु गावातील शेतकऱ्यांच्या शेतात जाणाऱ्या पांदण रस्त्याचा प्रश्न गेल्या अनेक वर्षांपासून प्रलंबित असल्याने येथील शेतकरी अत्यंत आक्रमक झाले आहेत. वारंवार विनंत्या करूनही प्रशासनाकडून कोणतीही ठोस कारवाई होत नसल्याने संतप्त झालेल्या शेतकऱ्यांनी आता थेट अन्नत्याग उपोषण आणि आत्मदहनाचा इशारा प्रशासनाला दिला आहे. यासंदर्भात उपविभागीय अधिकारी (एसडीओ), वसमत यांना जाहीर निवेदन सादर करण्यात आले आहे.
काय आहे मुख्य अडचण?
सेलु गावापासून गट क्र. १२४ व १२१ मधून देशमुख, तपुंकरी, पारवे, गलांडे, शिल्लार, चव्हाण, बरगे यांच्या शेतजमिनीकडे जाणारा हक्काचा १२ फुटांचा पांदण रस्ता आहे. हा रस्ता मोकळा करून मिळवण्यासाठी शेतकरी मागील २ ते ३ वर्षांपासून सातत्याने प्रशासनाकडे चकरा मारत आहेत. शासनाकडून या रस्त्याच्या खडीकरणासाठी २ किलोमीटरच्या रस्त्याला मंजुरी देखील मिळालेली आहे, परंतु प्रत्यक्षात कामाला सुरुवात झालेली नाही.
यापूर्वी दिनांक १७/०४/२०२५ रोजी तलाठी, सरपंच आणि पोलीस पाटील यांच्या समक्ष शेतकऱ्यांनी दिलेल्या पत्रानुसार, २८/०३/२०२५ रोजी (जा.क्र.२०२५/जमा१/कामी) या नुसार पंचनामा सुद्धा करण्यात आला होता. मात्र, पंचनामा होऊन दीर्घकाळ लोटल्यानंतरही तहसील कार्यालय किंवा संबंधित प्रशासनाकडून रस्त्यावरील अडथळे दूर करून तो मोकळा करण्यासाठी कोणतीही पावले उचलली गेली नाहीत.
प्रशासनाला निर्वाणीचा इशारा
“आम्हाला आमच्या हक्काचा साधा १२ फुटांचा रस्ताही मोकळा करून दिला जात नाही. मागील अर्जांचा कोणताही निकाल प्रशासनाने लावलेला नाही,” अशी खंत शेतकऱ्यांनी निवेदनात व्यक्त केली आहे. जर तात्काळ हा रस्ता मोकळा करून मिळाला नाही, तर सर्व शेतकरी मिळून तीव्र स्वरूपाचे अन्नत्याग उपोषण करतील व प्रसंगी आत्मदहन मागे हटणार नाहीत, असा थेट इशारा या पत्राद्वारे देण्यात आला आहे.
या पत्राच्या प्रतिलिपी (कॉपी) माहिती व तात्काळ कारवाईसाठी महसूलमंत्री (महाराष्ट्र राज्य), जिल्हाधिकारी (हिंगोली), तहसीलदार (वसमत), गटविकास अधिकारी (पं.स. वसमत) आणि पोलीस निरीक्षक (पो.स्टे. कुरुंदा) यांना पाठवण्यात आल्या आहेत.
निवेदनावर स्वाक्षरी व पाठिंबा देणारे प्रमुख शेतकरी:
या न्याय्य मागणीसाठी सेलु गावातील खालील शेतकऱ्यांनी स्वाक्षऱ्या करून प्रशासनाला निवेदन सुपूर्द केले आहे:
मुख्य मागणीकर्ते शेतकरी
१. संजय गलांडे
२. राहुल गलांडे
३. परमेश्वर चव्हाण
४. संतोष मानुरकर
५. भास्कर कुकडे
६. विष्णू गलांडे
सोबतच स्वाक्षरी व अंगठे देऊन पाठिंबा देणारे इतर ग्रामस्थ व शेतकरी
मनकर्णाबाई प्रल्हाद चव्हाण
नरोबा बसाप्पा गांगोडे (नेरोबा बसाप्पा गलांडे)
विष्णुकान्त नरोबा गांगोडे / गलांडे
विश्वनाथ लेकुराप्पा कुकडे
पांडुरंग लेकुराप्पा कुकडे
राहुल नारायण गलांडे
संदिप नारायणराव गलांडे
संतोष मळकार्जुन मानुरकर
सुधाकर विश्वनाथ गलांडे
मळकार्जुन इसाप्पा तिळकरी
नारायण यादवराव गलांडे
सचिन बाबुराव गलांडे
मधुकर तातेराव चव्हाण
बाबुराव यादवराव गलांडे
सुनिल विश्वनाथ गलांडे
बाबुराव रामा बरगे
आता या संवेदनशील प्रकरणात वसमतचे उपविभागीय अधिकारी आणि तहसीलदार काय पावले उचलतात आणि शेतकऱ्यांवर आत्मदहनाची वेळ येऊ न देता हा पांदण रस्ता मोकळा करतात का? याकडे संपूर्ण तालुक्याचे लक्ष लागले आहे.