आमदार तानाजी मुटकुळे यांनी घेतली नवनियुक्त पोलीस अधीक्षक श्रणिक लोढा यांची सदिच्छा भेट; विविध विषयांवर सकारात्मक चर्चा

आमदार तानाजी मुटकुळे यांनी घेतली नवनियुक्त पोलीस अधीक्षक श्रणिक लोढा यांची सदिच्छा भेट; विविध विषयांवर सकारात्मक चर्चा

हिंगोली प्रतिनिधी:
हिंगोली विधानसभेचे लोकप्रिय आमदार मा. श्री. तानाजीराव मुटकुळे साहेब यांनी हिंगोली जिल्ह्याचे नवनियुक्त पोलीस अधीक्षक (SP) मा. श्री. श्रणिक लोढा साहेब यांची सदिच्छा भेट घेतली. या प्रसंगी आमदार मुटकुळे यांनी पुष्पगुच्छ देऊन लोढा साहेबांचे हिंगोली जिल्ह्यात स्वागत केले व त्यांच्या नवीन वाटचालीस मनःपूर्वक शुभेच्छा दिल्या.
या सदिच्छा भेटीदरम्यान हिंगोली जिल्ह्याच्या कायदा व सुव्यवस्थेसह सर्वांगीण विकासाच्या दृष्टिकोनातून अत्यंत महत्त्वाची आणि सकारात्मक चर्चा झाली. जिल्हा प्रशासन, पोलीस दल आणि सर्वसामान्य जनता यांच्यातील समन्वय अधिक मजबूत कसा राहील, यावर या बैठकीत प्रामुख्याने भर देण्यात आला.
“प्रशासन आणि समाज यांच्यात जितका मजबूत समन्वय असेल, तितकीच जिल्ह्याची प्रगती वेगाने होईल. नवनियुक्त पोलीस अधीक्षक श्रणिक लोढा साहेबांच्या मार्गदर्शनाखाली हिंगोली जिल्ह्यात शांतता, सुव्यवस्था आणि नागरिकांच्या सुरक्षेला अधिक बळ मिळेल, असा विश्वास आहे.”

— मा. श्री. तानाजी मुटकुळे (आमदार, हिंगोली)

या भेटीमुळे आगामी काळात जिल्ह्यातील विविध सामाजिक व सार्वजनिक प्रश्न सोडवण्यासाठी पोलीस प्रशासन आणि लोकप्रतिनिधींमधील समन्वय अधिक सुदृढ होण्यास मदत होणार आहे. या प्रसंगी स्थानिक पदाधिकारी आणि कार्यकर्ते उपस्थित होते.