वसमतची लेक आता छत्रपती संभाजीनगरमध्ये नगरसेविका; अमृता पालोदकर यांची भाजपच्या स्वीकृत सदस्यपदी निवड
वसमत : हरनामसिंग चव्हाण
वसमतचे सुपुत्र आणि भारतीय जनता पक्षाचे ज्येष्ठ नेते, महाराष्ट्र पर्यटन विकास महामंडळाचे माजी अध्यक्ष श्रीकांतरावनाना देशपांडे यांच्या ज्येष्ठ कन्या सौ. अमृता अजय पालोदकर यांची छत्रपती संभाजीनगर महानगरपालिकेच्या स्वीकृत सदस्यपदी निवड करण्यात आली आहे.
भारतीय जनता पक्षाच्या वतीने त्यांच्या नावाची अधिकृत घोषणा आज करण्यात आली.
राजकीय वारसा आणि नेतृत्व
अमृता पालोदकर या वसमत येथील ज्येष्ठ सामाजिक कार्यकर्ते आदित्य श्रीकांतराव देशपांडे यांच्या भगिनी आहेत. माहेरचा राजकीय आणि सामाजिक वारसा जपत त्यांनी आता छत्रपती संभाजीनगरच्या राजकारणात सक्रिय पाऊल टाकले आहे. त्यांच्या या निवडीमुळे वसमतच्या शिरपेचात मानाचा तुरा रोवला गेला असून, “वसमतची लेक” आता संभाजीनगरच्या विकासात योगदान देणार आहे.
*नेत्यांकडून अभिनंदनाचा वर्षाव*
या निवडीबद्दल राज्याचे मुख्यमंत्री *देवेंद्र फडणवीस* तसेच भाजपच्या वरिष्ठ नेत्यांनी आणि कार्यकर्त्यांनी अमृता पालोदकर यांचे अभिनंदन केले आहे.
त्यांच्या निवडीमुळे भाजपची महानगरपालिकेतील ताकद वाढणार असून, महिलांच्या प्रश्नांना अधिक वाचा फुटेल, असा विश्वास व्यक्त केला जात आहे.
लोकप्रियता: निवडीनंतर वसमत आणि छत्रपती संभाजीनगर या दोन्ही ठिकाणी कार्यकर्त्यांकडून जल्लोष करण्यात येत आहे.
