वसमत बसस्थानकावर प्रवाशांना ‘एनसीएमसी’ स्मार्ट कार्डचे वाटप
वसमत (संपादक ):हरनामसिंग चव्हाण
महाराष्ट्र राज्य मार्ग परिवहन महामंडळ (MSRTC) आणि ‘एबिक्स कॅश’ (EbixCash) यांच्या संयुक्त विद्यमाने वसमत बसस्थानकावर नॅशनल कॉमन मोबिलिटी कार्ड (NCMC) वितरण सोहळा उत्साहात पार पडला. गेल्या दोन महिन्यांत ज्या प्रवाशांनी अमृत ज्येष्ठ नागरिक, ज्येष्ठ नागरिक आणि महिला सन्मान योजनेअंतर्गत नोंदणी केली होती, अशा सर्व लाभार्थ्यांना या कार्यक्रमात स्मार्ट कार्डचे वाटप करण्यात आले.
प्रमुख उपस्थिती
या प्रसंगी एसटी महामंडळाचे वसमत आगार प्रमुख श्री. बर्गे आणि वाहतूक निरीक्षक श्री. भुसारे यांची प्रमुख उपस्थिती होती. तसेच शहरातील विद्यमान नगरसेवक श्री. अब्दुल हाफिज अ. रहेमान, श्री. दीपक कट्टेकर, श्री. धनंजय गोरे, श्री. गौतम वाव्हळे यांनी उपस्थित राहून प्रवाशांना कार्ड वाटप केले.
प्रवाशांचा मोठा प्रतिसाद
कार्यक्रमाला ज्येष्ठ नागरिक गणपत पातेकर मामा, एनसीएमसी केंद्र चालिका सौ. मनीषा शिवचंद्र पत्रकर, सुभद्रा भद्रे, चंद्रकांत चहाड, अशोक स्वामी, प्रेमसिंह राजपुरोहित यांच्यासह मोठ्या संख्येने नागरिक, महिला व पुरुष प्रवासी हजर होते. रा. प. चे शंकर कोल्हे यांनी या संपूर्ण कार्यक्रमाचे सूत्रसंचालन केले आणि उपस्थितांचे आभार मानले.
स्मार्ट कार्डचे महत्त्व
या स्मार्ट कार्डमुळे प्रवाशांना आता कॅशलेस प्रवासाची सुविधा उपलब्ध होणार असून, सवलतीच्या योजनांचा लाभ घेणे अधिक सुलभ होणार आहे. शासनाच्या विविध सवलतींचा लाभ थेट कार्डद्वारे मिळत असल्याने प्रवाशांनी समाधान व्यक्त केले आहे.
बातमी: नागेश चव्हाण, वसमत
