📍 वसमत मतदारसंघाच्या शैक्षणिक विकासासाठी आमदार राजूभैय्या नवघरे सरसावले! वसमत येथे ‘शासकीय अभियांत्रिकी महाविद्यालय’ सुरू करण्यासाठी उच्च व तंत्रशिक्षण मंत्री चंद्रकांतदादा पाटील यांना निवेदन

📍 वसमत मतदारसंघाच्या शैक्षणिक विकासासाठी आमदार राजूभैय्या नवघरे सरसावले!
वसमत येथे ‘शासकीय अभियांत्रिकी महाविद्यालय’ सुरू करण्यासाठी उच्च व तंत्रशिक्षण मंत्री चंद्रकांतदादा पाटील यांना निवेदन

वसमत CT NEWS

वसमत (विशेष प्रतिनिधी)

वसमत विधानसभा मतदारसंघाच्या शैक्षणिक विकासाला एक नवी आणि गतीमान दिशा देण्यासाठी आमदार राजूभैय्या नवघरे यांनी एक अत्यंत महत्त्वाचे पाऊल उचलले आहे. वसमत येथे शासकीय अभियांत्रिकी महाविद्यालय (Government Engineering College) सुरू करण्यात यावे, या प्रमुख मागणीसाठी त्यांनी राज्याचे उच्च व तंत्रशिक्षण मंत्री मा. श्री. चंद्रकांतदादा पाटील यांची भेट घेऊन त्यांना लेखी निवेदन दिले. या भेटीदरम्यान आ. नवघरे यांनी वसमत तालुक्यातील विद्यार्थ्यांच्या भवितव्याचा आणि उच्च शिक्षणाचा प्रश्न अत्यंत प्रभावीपणे मांडला.
विद्यार्थ्यांचा आर्थिक भार कमी होणार, स्थानिक पातळीवर मिळणार दर्जेदार शिक्षण
वसमत तालुका आणि आजूबाजूचा परिसर शैक्षणिक दृष्ट्या काहीसा मागे राहिला आहे. यामुळे या भागातील गरीब, गरजू आणि होतकरू विद्यार्थ्यांना तांत्रिक तसेच उच्च शिक्षणासाठी छत्रपती संभाजीनगर, पुणे, मुंबई सारख्या मोठ्या आणि महागड्या शहरांमध्ये जावे लागते. मोठ्या शहरांमधील शिक्षणाचा आणि राहण्याचा खर्च सर्वसामान्य कुटुंबांना परवडणारा नसतो.
याच पार्श्वभूमीवर, स्थानिक पातळीवरच विद्यार्थ्यांना दर्जेदार आणि हक्काचे तांत्रिक शिक्षण उपलब्ध व्हावे, यासाठी आमदार राजूभैय्या नवघरे यांनी हा आक्रमक पाठपुरावा सुरू केला आहे. वसमत येथे शासकीय अभियांत्रिकी महाविद्यालय सुरू झाल्यास:
हजारो विद्यार्थ्यांना उच्च शिक्षणाची दारे खुली होतील.
ग्रामीण भागातील विद्यार्थ्यांचा शैक्षणिक व राहण्याचा मोठा खर्च वाचणार आहे.
परिसराच्या शैक्षणिक, औद्योगिक आणि आर्थिक विकासाला नवी दिशा मिळणार आहे.
“वसमत मतदारसंघातील प्रत्येक विद्यार्थ्याला त्याच्या हक्काचे आणि दर्जेदार शिक्षण स्थानिक पातळीवरच मिळाले पाहिजे, यासाठी माझा हा सातत्यपूर्ण पाठपुरावा सुरू आहे. शासकीय अभियांत्रिकी महाविद्यालयामुळे तालुक्याच्या विकासाला गती मिळेल.”
आमदार राजूभैय्या नवघरे (वसमत विधानसभा मतदारसंघ)