हिंगोलीत ६० वर्षीय अज्ञात इसमाचा संशयास्पद मृत्यू; ओळख पटवण्याचे पोलीस ठाण्याचे आवाहन

हिंगोलीत ६० वर्षीय अज्ञात इसमाचा संशयास्पद मृत्यू; ओळख पटवण्याचे पोलीस ठाण्याचे आवाहन

वसमत CT NEWS

हिंगोली (विशेष प्रतिनिधी):
हिंगोली शहर पोलीस ठाण्याच्या हद्दीत एका ६० वर्षीय अज्ञात पुरुषाचा आकस्मिक मृत्यू झाल्याची घटना समोर आली आहे. सदर मयताची अद्याप ओळख पटलेली नसून, नागरिकांनी ओळख पटवण्यासाठी सहकार्य करावे, असे आवाहन हिंगोली शहर पोलिसांच्या वतीने करण्यात आले आहे.
पोलीस सूत्रांकडून मिळालेल्या माहितीनुसार, हिंगोली शहरातील सावरकर नगर येथील हनुमान मंदिराजवळ दिनांक २२.०५.२०२६ रोजी दुपारी ३:२७ वाजताच्या सुमारास हा इसम आढळून आला होता. त्यानंतर उपचार सुरू असताना दिनांक २३.०५.२०२६ रोजी रात्री १२:२० वाजताच्या सुमारास जिल्हा सामान्य रुग्णालय, हिंगोली येथे त्याचा मृत्यू झाला.
याप्रकरणी हिंगोली शहर पोलीस ठाण्यात आकस्मिक मृत्यू क्र. ११/२०२६, कलम १९४ बी.एन.एस.एस. २०२३ अन्वये नोंद करण्यात आली आहे.
मयताचे वर्णन खालीलप्रमाणे आहे:
अंदाजे वय: ६० वर्षे
रंग: सावळा
बांधा: सडपातळ
उंची: ५ फूट ८ इंच
चेहरा व केस: डोक्याचे व दाढीचे केस काळे-पांढरे (पिकलेले) आहेत. दोन्ही पायांच्या गुडघ्याखाली पांढऱ्या रंगाचे कोड (डाग) आहेत.
पोशाख: अंगात फक्त काळ्या रंगाची स्पोर्ट्स हाफ चड्डी (ज्याच्या दोन्ही बाजूंनी लाल रंगाचे पट्टे आहेत) आणि उजव्या हातात काळ्या रंगाचा बेल्ट आहे.
माहिती असल्यास येथे संपर्क करा:
सदर मृत व्यक्तीबाबत कोणालाही काही माहिती किंवा सुगावा लागल्यास खालील क्रमांकांवर तातडीने संपर्क साधण्याचे आवाहन तपास अधिकारी व हिंगोली शहर पोलिसांनी केले आहे:
१. हिंगोली शहर पोलीस ठाणे: ८६६९९००६७८
२. पोलीस निरीक्षक श्री. संदीप मोदे साहेब: ८१०८२७११६६
३. तपासिक अंमलदार पो.ना. ८५६ भिमराव चिंतांरे: ९८५०८८०८५६
अपील: ही बातमी जास्तीत जास्त ग्रुप्स आणि सोशल मीडियावर शेअर करा, जेणेकरून मयताच्या नातेवाईकांपर्यंत माहिती पोहोचण्यास मदत होईल.