‘माझे कार्यालय म्हणजे समस्यांचे समाधानात परिवर्तन करणारे केंद्र’ – आमदार राजूभैया नवघरे

संपादक हरनामसिंग चव्हाण

0 1 1 minute read

वसमत:
“माझ्या संपर्क कार्यालयात येणाऱ्या प्रत्येक नागरिकाच्या समस्येचे निवारण होऊन त्याच्या चेहऱ्यावर समाधान दिसावे, याच ध्येयाने मी व माझे कार्यालय चोवीस तास कार्यरत आहे. जनतेने माझ्यावर टाकलेला विश्वास सार्थ ठरवणे हेच माझे कर्तव्य आहे,” अशी ग्वाही वसमत विधानसभेचे आमदार राजूभैया नवघरे यांनी दिली.
वसमत येथील आमदार संपर्क कार्यालयात आयोजित नियमित ‘जनता दरबारात’ नागरिकांशी संवाद साधताना ते बोलत होते.
जनतेचा दरबार, समस्यांवर तात्काळ प्रहार!
आमदार राजूभैया नवघरे यांच्या संपर्क कार्यालयात दररोज मतदारसंघातील शेकडो नागरिक आपल्या विविध समस्या घेऊन येतात. आज आयोजित करण्यात आलेल्या जनता दरबारातही नागरिकांची मोठी गर्दी पाहायला मिळाली. शेती, रस्ते, वीज, पाणी, आरोग्य आणि वैयक्तिक अडचणी अशा विविध स्वरूपाच्या तक्रारी घेऊन आलेल्या नागरिकांचे प्रश्न आमदार नवघरे यांनी स्वतः अत्यंत संवेदनशीलतेने आणि शांतपणे ऐकून घेतले.
“मला काम सांगितलेल्या प्रत्येक नागरिकाचे काम झालेच पाहिजे, हेच माझे ध्येय आहे आणि भविष्यातही राहील!” — आमदार राजूभैया नवघरे
प्रवास समस्या ते समाधानाचा!
शक्य तेवढ्या लवकरात लवकर आणि जागेवरच शासकीय अधिकाऱ्यांशी संपर्क साधून प्रश्न मार्गी लावण्यावर आमदार नवघरे यांचा भर असतो. आज आलेल्या बहुतांश नागरिकांच्या कामांचा निपटारा त्यांनी तात्काळ केला. “हे कार्यालय केवळ कागदोपत्री व्यवहार करणारे ठिकाण नसून, इथे येणाऱ्या प्रत्येकाचा ‘समस्या ते समाधानाचा’ प्रवास पूर्ण होतो,” अशी भावना यावेळी उपस्थित नागरिकांनी व्यक्त केली.
‘आपलं वसमत, आपला राजु’ या आपल्या लाडक्या नेत्याच्या आपुलकीच्या आणि तत्पर कार्यपद्धतीमुळे मतदारसंघातील जनतेचा त्यांच्यावरील विश्वास दिवसेंदिवस अधिक दृढ होत असल्याचे चित्र या जनता दरबाराच्या माध्यमातून पुन्हा एकदा अधोरेखित झाले आहे.