कारची काच फोडून १० लाख पळवणारी ‘आंतरराज्य टोळी’ गजाआड; ५ लाखांचा मुद्देमाल जप्त!

🚨 हिंगोली एलसीबीची धडक कारवाई! कारची काच फोडून १० लाख पळवणारी ‘आंतरराज्य टोळी’ गजाआड; ५ लाखांचा मुद्देमाल जप्त!

वसमत: रामु चव्हाण

वडिलांच्या ऑपरेशनसाठी बँकेतून काढलेले १० लाख रुपये कारमध्ये ठेवणे एका व्यक्तीला महाग पडले होते. अज्ञात चोरट्यांनी कारची काच फोडून ही रक्कम लंपास केल्याची धक्कादायक घटना ९ जून रोजी वसमत शहरातील आसेगाव कॉर्नर येथील युनियन बँकेसमोर घडली होती. या गुन्ह्याचे गांभीर्य ओळखून हिंगोली स्थानिक गुन्हे शाखेने (LCB) अत्यंत कौशल्याने तपास करत आंध्रप्रदेशातील एका खतरनाक आंतरराज्य टोळीचा पर्दाफाश केला आहे. पोलिसांनी दोन आरोपींना बेड्या ठोकल्या असून त्यांच्याकडून ५ लाख रुपयांचा नगदी मुद्देमाल जप्त केला आहे.
🔴 काय आहे संपूर्ण घटना?
पळसगाव (ता. वसमत) येथील रहिवासी फिर्यादी प्रशांत विलासराव डाखोरे यांनी ९ जून २०२६ रोजी वसमत शहर पोलीस ठाण्यात तक्रार दाखल केली होती. त्यांच्या वडिलांच्या वैद्यकीय उपचारासाठी (ऑपरेशनसाठी) त्यांनी वसमत येथील युनियन बँकेतून १०,००,००० (१० लाख) रुपये काढले होते. ही रक्कम त्यांनी आपल्या कारमध्ये (क्र. MH-13 BN-8755) ठेवून ते काही कामानिमित्त बाहेर गेले. याच संधीचा फायदा घेत अज्ञात भामट्यांनी कारची काच फोडून पैशांची बॅग लंपास केली होती. याप्रकरणी वसमत शहर पोलिसांत गुन्हा नोंद करण्यात आला होता.
🔍 CCTV फुटेज आणि ‘आंध्रप्रदेश’ कनेक्शन!
गुन्ह्याचे गांभीर्य लक्षात घेऊन हिंगोलीचे पोलीस अधीक्षक डॉ. निलाभ रोहन यांनी तात्काळ तपासाचे आदेश दिले. स्थानिक गुन्हे शाखेचे पोलीस निरीक्षक (PI) मोहन भोसले यांच्या मार्गदर्शनाखाली पोउपनि माधव जिव्हारे यांचे विशेष तपास पथक तात्काळ ॲक्शन मोडमध्ये आले.
तपास पथकाने घटनेच्या ठिकाणची बारकाईने पाहणी केली आणि परिसरातील CCTV फुटेज अत्यंत काळजीपूर्वक तपासले. या तांत्रिक तपासाच्या आधारे पोलिसांनी आरोपींची ओळख पटवली. हे आरोपी चक्क आंध्रप्रदेशातील आंतरराज्य टोळीचे सदस्य असल्याचे निष्पन्न झाले!
🚔 मूळ गावात जाऊन आरोपींना ठोकल्या बेड्या!
पोलीस पथकाने तपासाची चक्रे फिरवत थेट आंध्रप्रदेश गाठले. नेल्लोर जिल्ह्यातील ‘तिपा, बिटरगुंटटा’ या मूळ गावी जाऊन पोलिसांनी फिल्मी स्टाईलने सापळा रचला आणि दोन मुख्य आरोपींना ताब्यात घेतले:
१) प्रदिप राजु पेटला (रा. तिपा, जि. नेल्लोर, आंध्रप्रदेश)
२) मधु जवळा भास्कर (रा. तिपा, जि. नेल्लोर, आंध्रप्रदेश)
पोलिसांनी या आरोपींकडून चोरीला गेलेल्या रकमेपैकी ५,००,००० (५ लाख) रुपयांचा नगदी मुद्देमाल हस्तगत केला आहे.
🌟 या ‘झांझावाती’ कामगिरीत सहभागी पोलीस दल:
ही यशस्वी कामगिरी हिंगोलीचे पोलीस अधीक्षक डॉ. निलाभ रोहन, अप्पर पोलीस अधीक्षक श्री. कमलेश मिना यांच्या मार्गदर्शनाखाली पार पडली.
तसेच एलसीबीचे पोलीस निरीक्षक मोहन भोसले, पोउपनि माधव जिव्हारे, आणि पोलीस अंमलदार भुजंग कोंकरे, शिवाजी जालमारे, किशोर सावंत, विशाल खंडागळे, आजम प्यारेवाले, ज्ञानेश्वर गोरे, साईनाथ कंठे, मुनिर मुन्नीवाले, शंकर हराळ, दत्ता नागरे, व प्रदिप झुंगरे या पथकाने ही धडक कारवाई करून हिंगोली पोलिसांचे नाव उंचावले आहे.
💡 पोलिसांचे आवाहन: बँकेतून मोठी रक्कम काढताना नागरिकांनी अधिक सतर्क राहावे आणि वाहनात पैसे ठेवून कुठेही जाऊ नये.