उपाध्यक्ष सैय्यद इम्रान यांनी राजीनामा द्यावा अन्याथा आंदोलन-सुनिल काळे उबाठा सहसंपर्कप्रमुख

*वसमत नगर परिषदेचे उपाध्यक्ष सैय्यद इम्रान यांच्या शेतात सापडलेल्या गोवंश प्रकरणी गुन्हा दाखल – शिवसेना उबाठाकडून राजीनाम्याची मागणी, अन्यथा आंदोलनाचा इशारा- सुनिल काळे सहसंपर्कप्रमुख शिवसेना हिंगोली*

*वसमत:* वसमत शहरात खळबळ उडवणाऱ्या गोवंश प्रकरणात आता राजकीय वाद पेटला आहे. वसमत नगर परिषदेचे उपाध्यक्ष *सैय्यद इम्रान  यांच्या शेतात गोवंश सापडल्याच्या प्रकरणी पोलिसांनी गुन्हा दाखल केला आहे. या पार्श्वभूमीवर *शिवसेना उबाठा गटाने* नैतिक जबाबदारी स्वीकारून उपाध्यक्षांनी तातडीने राजीनामा द्यावा अशी मागणी केली आहे. अन्यथा तीव्र आंदोलन छेडण्याचा इशारा दिला आहे.

*काय आहे प्रकरण?*

वसमत तालुक्यातील नगर परिषद चे उपाध्यक्ष सैय्यद इम्रान अली यांच्या मालकीच्या शेतात संशयित गोवंश आढळून आल्याची माहिती पोलिसांना मिळाली होती. घटनास्थळी धाव घेतलेल्या पोलिसांनी पंचनामा करून संबंधित कायद्यानुसार गुन्हा नोंदवला आहे.

या प्रकरणाची माहिती मिळताच शहरातील विविध सामाजिक आणि राजकीय संघटनांनी संताप व्यक्त केला होता.

*शिवसेना उबाठाची भूमिका*

आज शिवसेना उबाठा हिंगोलीचे सहसंपर्कप्रमुख सुनिल भाऊ काळे यानी पत्रकार परिषद घेऊन उपाध्यक्षांवर थेट आरोप केले.

शिवसेना उबाठाचे सहसंपर्कप्रमुख प्रमुख म्हणाले,
“एक जबाबदार लोकप्रतिनिधीच्या शेतात असे प्रकरण घडणे ही गंभीर बाब आहे. नगर परिषदेची प्रतिमा मलिन झाली आहे. उपाध्यक्ष सैय्यद इम्रान अली यांनी तातडीने *नैतिक जबाबदारी स्वीकारून राजीनामा* द्यावा. जर राजीनामा दिला नाही तर शिवसेना उबाठाच्या वतीने वसमत बंदसह रस्ता रोको आंदोलन करण्यात येईल.” जर त्यांचे पक्षाचे नेतृत्व यानी त्याचा राजीनामा घ्यावा अन्यथा आंदोलन छेडण्यात येईल असा इशारा देण्यात आला आहे

*प्रशासन काय म्हणते?*

पोलिसांनी याप्रकरणी गुन्हा नोंदवून पुढील तपास सुरू केला आहे. शेतातील इतर पुरावे आणि जबाब नोंदवण्याचे काम सुरू आहे. पोलिस प्रशासनाने कायदा सुव्यवस्था राखण्यासाठी शहरात गस्त वाढवली आहे.

*नागरिकांमध्ये चर्चा*

या प्रकरणामुळे वसमत शहरात विविध चर्चा सुरू आहेत. एका जबाबदार पदावरील व्यक्तीच्या नावाचा संबंध अशा प्रकरणाशी जोडला गेल्याने नगर परिषदेच्या कारभारावरही प्रश्नचिन्ह उपस्थित केले जात आहेत.

आता उपाध्यक्ष यावर काय भूमिका घेतात आणि प्रशासन पुढील तपासात काय निष्पन्न करते याकडे सर्वांचे लक्ष लागले आहे.