मुलींनी कराटे शिक्षणाचा उपयोग स्वसंरक्षणासाठी करावा- आ. राजू भैया नवघरे

वसमत/ रामू चव्हाण

वसमत शहरातील अहिल्यादेवी होळकर कन्या विद्यालय येथे आत्मरक्षा अँड ऑल कराटे मार्शल आर्ट स्पोर्ट्स असोसिएशन हिंगोली आणि हिंगोली कराटे असोसिएशन च्या वतीने  हिंगोली येथे घेण्यात आलेल्या विविध बेल्ट परीक्षेतील उत्तीर्ण विद्यार्थ्यांना बेल्ट व  मेडल  चे वाटप करण्यासाठी कार्यक्रम आयोजित केला होता. या कार्यक्रमाच्या अध्यक्षस्थानी शाळेचे अध्यक्ष बि.डी कदम सर तर प्रमुख पाहुणे वसमत विधानसभेचे कार्यकुशल आमदार राजू भैया नवघरे, वसमत शहर पोलीस स्टेशनच्या फौजदार प्रतिभाताई शेटे पत्रकार चंद्रकांत देवने, मारोतराव धोंडे ,इसाक पठाण, संजय बर्दापूरकर,  रामू चव्हाण ,गजानन नवघरे, सुरज फेगडे प्राध्यापक बागल सर, प्रकाश इंगळे सर  आदी उपस्थित होते.

   यावेळी बोलताना आमदार राजू भैया नवघरे यांनी मुलींना सक्षम आणि खंबीर बनून प्रतिकारक्षम केले गेले पाहिजे कराटे हे केवळ शिक्षणा पुरते मर्यादित न राहता वेळ आली तर त्याचा उपयोग संरक्षणासाठी कसा करावा याचे ज्ञान आत्मसात केल्यास मुलींना कुठलीही भीती राहणार नाही. आज पावलो पावली भयाचा काहूर माजलेला आहे घरातून बाहेर गेलेली मुलगी सुखरूप घरी परतेल की नाही असा मोठा प्रश्न पालकांसमोर असून जर मुलींनी कराटे केवळ शिक्षणा पुरतीच मर्यादित न ठेवता याचा उपयोग आत्मसंरक्षण साठी केला तर याचा फायदा समाजालाही  मोठ्या प्रमाणात होईल यामुळे मुलींनी सुद्धा स्वरक्षणासाठी कराटे शिकले पाहिजे असे मत आमदार राजू भैया नवघरे यांनी मांडले.

तर यावेळी बोलताना वसमत शहर पोलीस स्टेशनच्या फौजदार प्रतिभाताई शेटे म्हणाल्या की मुलींनी स्वतःमध्ये आत्मविश्वास जागा ठेवावा स्वतः खंबीर व्हावे,मुलींनी कधीही आपण कमजोर असल्याची भावना बाळगू नये व पालकांनी मुलींंना धीर बळ दिले पाहिजे. तसेच पालकांनी तिच्या सन्मानासाठी करिअरसाठी शिक्षणाशिवाय पर्याय नाही त्यामुळे मुलींना पूर्ण शिक्षण दिले पाहिजे.

पालकांनी तिचे हित  जाणून घेऊन तिची कमी वयात विवाह न करता तिचे शिक्षण अर्धवट सोडून तिला घरी न बसता समाजात तिचे स्थान तिला बळकट करून द्यावे त्यामुळे मुली स्वतः आत्मनिर्भर स्वतःच्या पायावर उभे राहतील . कराटे शिकून  मुलींनी स्वतःचे रक्षण स्वतः केले पाहिजे यासाठी वसमत शहर पोलीस टेशन मार्फत सर्व शाळा महाविद्यालयात लवकरच मार्गदर्शन शिबीर घेणार असल्याची माहिती फौजदार प्रतिभाताई शेटे यांनी दिली.

वसमत येथील अहिल्यादेवी कन्या विद्यालय येथे मास्टर कृष्णा देवणे, मास्टर सोमनाथ हेगु, मास्टर प्रमोद वाघमारे यांच्या आत्मरक्षा अँड ऑल कराटे मार्शल आर्ट स्पोर्टस असोसिएशन हिंगोली आणि हिंगोली कराटे असोशियन हिंगोली येथे घेण्यात आलेल्या यलो, ऑरेंज, ग्रीन बेल्ट परीक्षेत आणि जिल्हास्तरीय 14 विद्यार्थ्यांना गोल्ड मेडल आणि राज्यस्तरीय 17 विद्यार्थ्यांनी 15 सिल्वर व 2 ब्रास मेडल पटकावुन घवघवीत यश संपादन करून महाराष्ट्रामध्ये हिंगोली जिल्ह्याचे नाव झळकविले .

या कार्यक्रमाला यशस्वी करण्यासाठी सिरियर संभाजी कुसळे, सोहम धोंडे, सागर थोरात, गजानन दुमाने, लक्ष्मण बळवंते, अक्षय थोरात, विनोद दुमाने, पंकज मगर ,मास्टर कृष्ण देवणे, मास्टर सोमनाथ हेगु, मास्टर प्रमोद वाघमारे, यांनी परिश्रम घेतले.

बेल्ट,सर्टिफिकेट व मेडल मिळवलेल्या विद्यार्थी

आदिती पारधे, आकांक्षा दवणे, श्रेयस हेगु, ऋषिकेश तमखाने, सोहम धोंडे, गायत्री दरगू, सोमनाथ तमखाने, संध्या तिडके, जयेश हेगु, वैभवी भागवत, श्वेता मडके, नागेश काटकर, गौरी आंबटवार, गार्गी भगनुरे, मोहिनी सोनवणे, श्रेया मुळे, ऋतुजा सुतार, नियती खंदारे, श्रुती अवचार, आर्या सरदेशपांडे, धनंजय बेले, भूमिका पेंढारकर, नंदनी पेंढारकर, वैष्णवी जावळे, संजीवनी खराटे, वैष्णवी बुलबुले, सागर थोरात, ओम घाटोळ, दामिनी भालेराव, प्राप्ती पारधे, आदिती नरवाडे, पियुशा दुमाने, स्नेहा इंगोले, स्वरूप दुमाने, लक्ष्मण बळवंते, रुद्र गुंडाळे, गौरी गुंडाळे, सार्थक दुमाने, सिद्धी तोष्णीवाल, श्रेया बावगे, सक्षम भोजने संभाजी कुसळे इत्यादी विद्यार्थ्यांचा बेल्ट, सर्टिफिकेट व मेडल देऊन सत्कार करण्यात आला.