फिटिंगच्या कामासाठी गेलेल्या इसमाचा कॅनाॅलमध्ये आढळला मृतदेह

वसमत/ रामु चव्हाण

     वसमत तालुक्यातील रुखी या गावाजवळ कॅनॉलमध्ये दिनांक 5 जून रोजी सायंकाळी साडेसहा वाजण्याचा सुमारास एका 38 वर्षीय इसमाचा मृतदेह आढळला होता. त्या संबंधित माहिती हट्टा पोलीस स्टेशनच्या वतीने प्रकाशित करण्यात आली असताना सदर इसम हा रुखी शिवारात असलेल्या महादेव मंदिराच्या कॅनॉलमध्ये वाहत आला असून सदरील इसमाची ओळख पटलेली नव्हती.

    सदरील इसमहा ज्ञानेश्‍वर सखाराम गव्हाणकर वय 38 वर्षे राहणार हिंगणी तालुका जिल्हा हिंगोली येथील रहिवासी असून त्यांना दोन एकर शेती आहे ते लाईट फिटिंग फिटिंग चे काम करत असून ते दिनांक 3 जून रोजी परभणी येथे फिटींग  च्या कामासाठी गेले असताना दिनांक 4 जून रोजी सायंकाळी साडेचार वाजण्याच्या सुमारास ते परभणी येथून निघाले आणि जवळाबाजार येथे आले असताना रात्री 9-30 वा
नातेवाईकांनी फोन केला असता अर्ध्या तासामध्ये मी औंढा येथे पोहोचतो असे म्हणून त्यांचा फोन त्याच ठिकाणी बंद झाल्याची माहिती आहे.
नातेवाइकांनी त्यांच्या फोनवर बराच संपर्क केला पण संपर्क काही होऊ शकला नाही सकाळी दिनांक 5 जून रोजी त्यांनी परत परभणी औंढा या ठिकाणी त्यांचा शोध घेतला असता त्यांचा काही शोध लागला नाही.

  इकड वसमत तालुक्यातील रूखी गावाजवळ सायंकाळी साडेसहा वाजता त्यांचा मृतदेह एका कॅनमध्ये आढळला यामुळे हा घातपात आहे का असा संशय नातेवाईकांकडून  घेतला जात असून याप्रकरणी पोलिस यांनी पंचनामा केला असून सदरील प्रेत शवविच्छेदन करण्यासाठी वसमत उपजिल्हा रुग्णालयात दाखल करण्यात आले असून या घटनेचा पुढील तपास सहाय्यक पोलीस निरीक्षक गजेंद्र सरोदे यांच्या मार्गदर्शनाखाली पोलिस कर्मचारी ठाकूर,संदीप सुरूशे हे करत आहेत ज्ञानेश्वर गगव्हाणकर यांच्या पश्चात पत्नी दोन मुले व एक मुलगी असा परिवार आहे. मयत ज्ञानेश्वर गव्हाणकर हे परभणी येथून काम आटोपून येत असतांना त्यांच्या जवळ कामाचा मोबदला काही रक्कम ,तसेच त्यांची मोटारसायकल व मोबाईल फोन  ही असल्याची माहीती नातेवाईकांनी वसमत सि.टी.न्यूज ला दिली या वस्तु नेमके कुठे आहेत याचा तपास पोलीस करत आहेत .